نحنا ليبيين احرار

اليوم جبتلكم أبيات شعر (نحن ليبيين أحرار)

نحنا ليبيين احرار .. كبار صغار .. نموتوا ولا نرضوا العار

طلبناه العالي الجبار .. يجيب اعصار .. يدك ديار معمر و اعوانه الفجار

نحنا اللي ثرنا ... نحنا اللي عالمر صبرنا

نحنا اللي جبشك دمرنا ... قابلناه الموت صدار

نحنا الشعب اللي قررنا ... نردوها امجاد المختار

من ظلمك راه تحررنا ... و تمينا للحق انصار

راح زمانــــــه ... حكم القذافي واعوانه

وثار الشعب بعد حرمانه ... ودكينا عليهم الاسوار

وردوا عالعاتي طغيانه .. وقلنا ما نرضوا بالعار