معكرونة

بسم الله الرحمن الرحيم

ابدا في الموضوع علطول

دي مكرونة تشبه الفيتوتشيني بس اططططططططعم بمليون مرة

جربوها ومحا تندمو وتنفع لعزايم

المقادير

3 فص ثوم مدقوق ناعم
1 بصلة كبيرة مقطعة جوانح او 2 بصلة متوسطة
مكعبين ماجي
2 صدر دجاج مقطع مكعبات
علبة فطر مقطع شرايح
علبة ذرة
2 فلفل رومي كبير مقطع بالطول
بهارات ايطالية ( يمكن الاستغناء عنها والاكتفاء ببهارات البيتزا )
بهارات البيتزا
بهارات مهران ( بهارات التكا ) لازم التكا وممكن تستخدمي بهارات شواء من ماركة اخرى لكن محا تعطي نفس الطعم ببهارات مهران
كيس مكرونة صغير ( مكرونة الفيتوتشيني او مكرونة صغيرة عادية على حسب رغبتك )
ساور كريم ( الصورة بالاسفل ) وممكن كريمة خفق زي المراعي مثلا لكن الي استخدمتها الذ
كاس ماء


الطريقة:

1 - حطي شوية زيت في مقلاه كبيرة وشوحي البصل لين يصير لونو شفاف فقط لا يحمر

2- حطي الثوم وشوحيه شوية مع البصل

3 - حطي الدجاج وقلبي لين يسير ابيض لونو لكن لسا ما استوا , بعدين حطي ربع الكاسة ماء او كمية الماء الي تغطي نص الدجاج

4 - حطي مكعبين الماجي ونص ملعقة صغيرة بهارات البيتزا ونص ملعقة بهارات ايطالية ونص ملعقة كبيرة ممسوحة بهارات مهران وقلبيهم مع بعض

5- حطي علبة الفطر بعد ماتصفيه من الماء وخلي الدجاج لين يستوي

6- اسلقي المكرونة ربع سلقة فقط لازم تكون قاسية شوية يعني يمكن بس حق 3 دقايق تنسلق في موية وزيت

7 - صفي المكرونة من الماء وحطيها عالدجاج يكون استوا خلاص

8 - قلبي المكرونة مع الدجاج والفطر جيدا , بعدين حطي الكريمة لازم الكريمة تغطي معظم المكرونة

9- حطي بهارات تاني : نص ملعقة صغيرة من بهارات البيتزا والبهارات الايطالية ونص ملعقة كبيرة ممسوحة بهارات مهران

9 - حطي الفلفل الرومي وقلبيهم وحطي نص او تلات ارباع او كاسة كاملة موية على حسب المهم انو المكرونة تتغطا بالسائل

10 - خليه ع نار هادية يفور شوية تقريبا 5 او 10 دقايق . لين يتقل القوام

11 - اخر شي حطي علبة الذرة وقلبيه شوية عالنار و دوقي الز مكروووووونة بالكريمة

دحين بحط الصور

هنا الدجاج مع الفطر والبهارات والماء






دي بهارات مهران



ودي صورة الكريمة انا استخدمت تقريبا نص العلبة



وهنا استوت خلااااااص

اممممممممممم لزيييييييزة