ومن الحب ماقتل

ومن الحب ما قتل

السلام عليكم ورحمة وبركاته
هذا حوار بين الطاغيه والغاليه بنغازى

ارجو انا تنال اعجابكم

حوار بين بنغازى والطاغيه
الطاغيه
ما القيت غير ارتال نهديلك امعاهن شايلات انذال عربون للغلا
ما القيت غير حديد عربون للغلا منى اوجيش عبيد
اطيور اوجراد اوقاذفات بعيد ،، اوجنازير خوذى شايلات اصوال
اومنى سلاسل واثقه ياريد ،، اوجيش من اتشاد ايجيك والصومال

ما القيت ما نهديلك صواريخ خوذى فوق روس عويلك
خليله اومتمنى انكون خليلك ،، انساك والضنا يبقو على حلال

ما القيت غير كوازى نهديلك امعاهم شالين مزازى
انحبك انحبك ياسما بنغازى ،، منك عقاب اليل فيه انزال
يشهد على الله مانى هازى ،، انك عصيّه صاح فيك ارجال

ما القيت غير عبيدى يا الغاليه نهديك ليلة عيدى
ماهن اخساره فيك ريدى ريدى ،، انكان قصّرن والله زمانى طال

ما القيت غير رصاصه منى هديه شالها قنّاصه
اوطابور خامس حرفته بصاصه،، دلالك امعاى اليوم زاد دلال

ما القيت غير اجنودى عربون للغلا نهديك يا معبودى
احدودك اتشيلى اونا انشيل احدودى،، بينى اوبينك ما هناك اخلال






بنغازى
قيسك حاله عدى خطانى ياجنين غزاله
بينى اوبينك والده رجاله ،، موش كل راهو رخيص اوكاله

عليك حرام هذا وطن ما ينهان فيه اسلام
ضناه ينغرو دونه انصار الطام ،، الدم ادفعوه اويدفعو مازال

لا اتقول حبيبه اولا اتقول عنى غاليه اوقريبه
حتى لو امعاك الفين كور كتيبه ،، صقعه عليك انطيعلك محال

ما ندريبك اولا انريد طاريك اوجيب سريبك
الدولار خيّك والرجيم حبيبك ،، اثنين من ثلاثه فيك شور الخال

لا اتقول اشعار اولا العشق يحكيبه اللى جزار
اهناك فرق بين الحب بين الثار ،، اويفرق الصادق خير من الختّال
وهناك فرق بين الطب والسحار،، اوبين الحرام اوطيبته الحلال
اويفرق اللى فارس امع التيتار ،، اوبين الحقيقه اوبين طيف خيال
اوبين الشرف واجد اوبين العار ،، اوبين الكريم اوبين حب المال
الا اليل لازم يقشعه النهار ،، اوتزرق عليك الشمس يا نشال
مالك اومالى طير جوك احرار ،، القول انقطع ما عاد اهناك اقوال

ايش عرفك للحب ويش جيّبك مانك اللى تنحب
ابعد بعيد ابعد امعاك اسحب ،، اذيولك اللى منك اليوم اطوال